له‌ چه‌ند پارێزگایه‌كی‌ هه‌رێم خۆڵبارین ده‌ستی‌ پێكرد




وێستگه‌ نیوز-
به‌ڕێوه‌به‌رایه‌تی‌ کەشناسی و  بومه‌له‌رزه‌زانی‌ هەرێم ڕایده‌گه‌یه‌نێت، بەهۆی نزمە پاڵەپەستۆیەکەوە کە لە سووریاوە ڕوویکردووەتەوە هەرێم، تۆز و خۆڵ لە ئاسمانی هەرێمدا بڵاوبووەتەوە و مەودای بینین کەمبۆتەوە.


لە ڕاگەیەندراوێکه‌ی‌ كه‌شناسی‌ هه‌رێم ئاماژه‌ به‌وه‌كراوه‌، کاریگەری نزمە پاڵەپەستۆیەک کە سەنتەرەکەی خۆرهەڵاتی سوریا و خۆرئاوای عێراقە بووەتە هۆی بەرزبوونەوەی خۆڵبارین لە ناوچە جیاوازەکانی هەرێمدا.

ئه‌وه‌ش خراوه‌ته‌ روو كه‌، مەودای بینین کەمبوووەتەوە و پارێزگای‌ هەولێر ٢ كیلۆمه‌تر، دهۆک ٥ كیلۆمه‌تر،كه‌ركوك 4 كیلۆمه‌تر دووزخورماتوو ٣٠٠ مەترە.

به‌ڕێوه‌به‌رایه‌تی‌ كه‌شناس و بومه‌له‌رزه‌زانی‌ هه‌رێم پێشبینی ده‌كات ئه‌و خۆڵبارینه‌ی‌ رووی‌ له‌ناوچه‌كه‌ كردووه‌ تا شه‌و به‌رده‌وام ده‌بێت. 


PM:03:41:19/01/2018


ئه‌م بابه‌ته 572 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت