كه‌شناسی‌ هه‌رێم هاوڵاتیان ئاگادار ده‌كاته‌وه‌

‌

به‌پێی‌ راگه‌یه‌ندراوێكی‌ به‌ڕێوه‌به‌رایه‌تی‌ كه‌شناسی‌ و بومه‌له‌رزه‌زانی‌ هه‌رێم كه‌ وێنه‌یه‌كی‌ ده‌ست وێستگه‌ نیوز كه‌وتووه‌ تیایدا هاتووه‌: ئاگاداری‌ هاوڵاتیان ده‌كاته‌وه‌ له‌وه‌ی‌ كه‌ ئه‌وانه‌ی‌ نیازی‌ ئه‌نجامدانی‌ گه‌ش و گوزاری‌ نێو به‌فر و سه‌فه‌ریان هه‌یه‌ وه‌ هه‌روه‌ها بۆ دانیشتوانی‌ ناوچه‌ شاخاوییه‌كان، كه‌وا له‌ كاتی‌ بارینی‌ به‌فردا له‌ ماڵه‌وه‌ ده‌رنه‌چن به‌تایبه‌تی‌ ناوچه‌ سه‌خته‌كان، چونكه‌ له‌و ناوچانه‌دا كه‌ش و هه‌وا به‌شێوه‌یه‌كی‌ چاوه‌ڕوان نه‌كراو به‌ خێراییه‌كی‌ زۆر ده‌گۆرٍِێت.

له‌ راگه‌یه‌ندراوه‌كه‌دا ئاماژه‌ به‌وه‌ده‌كه‌ن، له‌ پێناو سه‌لامه‌تی‌ گیانی‌ خۆتان و خانه‌واده‌كه‌تان و دووربونتان له‌ مه‌رتسییه‌كانی‌ گیرخواردن له‌ نێو به‌فر و ئه‌گه‌ره‌كانی‌ داڕماندا، پێوسته‌ دوای‌ ته‌واوبوونی‌ بارین و ئاسایی‌ بوونه‌وه‌ی‌ كه‌ش و هه‌وا ئینجا بۆ كاری‌ مه‌به‌ست له‌ماڵه‌كانتان ده‌ربچن.