زانیاری نوێ سه‌باره‌ت چۆنیه‌تی گیانله‌ده‌ستدانی پشتیوان نوری


وێستگه‌ نیوز- پشتیوان جه‌مال
پشتیوان نوری ئه‌كته‌ره‌ دیاره‌كه‌ی گه‌رده‌لوول ئێواره‌ی ئه‌مڕۆ به‌شێوه‌یه‌كی له‌ناكاو تووشی جه‌ڵته‌ی دڵ بووه‌ و پاش نیو كاتژمێر له‌ نه‌خۆشخانه‌ كۆچی دوایی كردووه‌.

دڵشاد مسته‌فا، هونه‌رمه‌ند و هاوڕێی پشتیوان نوری به‌ وێستگه‌ نیوزی راگه‌یاند، كاتژمێر 4.30 خوله‌كی پاشنیوه‌ڕۆی ئه‌مڕۆ هونه‌رمه‌ند پشتیوان نوری له‌ شوێنی كاره‌كه‌ی ئازارێك له‌ سنگی دروستبووه‌.

دڵشاد مسته‌فا وتی‌: "پشتیوان نوری به‌پێی خۆی چۆته‌ نه‌خۆشخانه‌ی بوژانه‌وه‌ی دڵ".

وتیشی‌: "به‌ڵام ته‌نها نیو كاتژمێر ژیاوه‌ و كۆچی دوایی كردووه‌ و نه‌خۆشییه‌كه‌ش جه‌ڵته‌ی دڵ بووه‌".

ناوبراو ئاماژه‌ی به‌وه‌كرد كه‌ پێشتر پشتیوان هیچ كێشه‌یه‌كی ته‌ندروستی نه‌بووه‌،  ئه‌مشه‌ویش ته‌رمه‌كه‌ی به‌خاك ده‌سپێردرێت و سبه‌ینێش پرسه‌ی له‌ مزگه‌وتی ئه‌حمه‌دی حاجی عه‌لی ده‌بێت.


PM:08:27:16/01/2018


ئه‌م بابه‌ته 92550 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو