په‌رله‌مانتارێكی‌ پارتی‌: كۆبوونه‌وه‌كه‌ی‌ ئه‌مڕۆی‌ پارتی‌ و یه‌كێتی‌ گرنگه‌


وێستگه‌ نیوز- پشتیوان جه‌مال
په‌رله‌مانتارێكی‌ پارتی‌ له‌ په‌رله‌مانی‌ كوردستان كۆبوونه‌وه‌كه‌ی‌ ئه‌مڕۆی‌ پارتی‌ و یه‌كێتی‌ به‌ كۆبوونه‌وه‌یه‌كی‌ گرنگ ده‌زانێت كه‌ تیایدا كاتی‌ هه‌ڵبژاردنه‌كان دیاری‌ ده‌كرێن.


فه‌رحان جه‌وهه‌ر، په‌رله‌مانتاری‌ پارتی‌ له‌ په‌رله‌مانی‌ كوردستان به‌ وێستگه‌ نیوزی‌ راگه‌یاند، كۆبوونه‌وه‌كه‌ی‌ ئه‌مڕۆی‌ مه‌كته‌بی‌ سیاسی‌ پارتی‌ و یه‌كێتی‌ گرنگه‌ له‌به‌رئه‌وه‌ی‌ ماوه‌یه‌كی‌ زۆره‌ كۆنه‌بوونه‌ته‌وه‌ كه‌ هه‌ردووكیان دوو هێزی‌ نێو حكومه‌تن و ئێستاش له‌ قۆناغێكی‌ هه‌ستیارداین و زۆر پرسی‌ یه‌كلانه‌كه‌ره‌وه‌ ماوه‌ته‌وه‌.

ناوبراو  وتی‌: "له‌ كۆبوونه‌وه‌كه‌دا كاتی‌ هه‌ڵبژاردنه‌كان دیاری‌ ده‌كرێن، ئێمه‌ پێمان  باشه‌ هه‌ڵبژاردنه‌كانی‌ كوردستان پێش هه‌ڵبژاردنه‌كانی‌ عیراق ئه‌نجام بدرێن".

پێشتریش سەعدی ئەحمەد پیرە، وتەبێژی یەكێتی بە میدیای فه‌رمی حزبه‌كه‌ی وتبوه: کۆبوونەوەکە پێش نیوەڕۆی ئەمڕۆ لەشاری سلێمانی بەڕێوەدەچێت.

راشیگه‌یاندووه‌، لەکۆبوونەوەکەی هەردوو مەکتەبی سیاسی پارتی و یەکێتیدا، دۆخی ئێستای ھەرێم و ئەنجامدانی ھەڵبژاردنەكانی كوردستان و عیراق و چەند پرسێکی دیکە گفتوگۆیان لە بارەوە دەکرێن.

لە دوای کۆبوونەوەکەی رۆژی 15ی ئۆکتۆبەری ساڵی رابردووی دوکانەوە، ئەمە یەکەمین کۆبوونەوەیە کە لە نێوان هەردوو مەکتەبی ساسی پارتی و یەکێتی ئەنجام دەدرێت.

هــ. ر


AM:11:22:07/01/2018


ئه‌م بابه‌ته 4044 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو