به‌شێوه‌یه‌كی‌ جیاواز پشتگیری‌ له‌ ئافره‌تان ده‌كات


وێستگه‌ نیوز -
كوڕه‌ گۆرانیبێژی لاو " واحید عه‌لی‌ نه‌ژاد" له‌ هه‌ژماری‌ تایبه‌تی خۆی له‌ تۆڕی‌ كۆمه‌ڵایه‌تی‌ ئینستاگرام به‌ گرته‌یه‌كی‌ ڤیدیۆی و به‌شێوه‌یه‌كی‌ جیاواز پشتگیری‌ له‌ ئافره‌تان ده‌كات.

واحید عه‌لی‌ نه‌ژاد له‌وباره‌وه‌ نووسیویه‌تی‌: "خوشكان و دایكانی نیشتمانی من، ئێوه‌ جێگای شانازین، ئافره‌ت بوون جێگای شانازییه‌ و ئافره‌ت پیرۆزه‌".

واحید ده‌ڵێت: "زۆربه‌ی خه‌ڵك وشه‌ی ئافره‌ت و كچ وه‌كو سووكایه‌تی به‌به‌رامبه‌ری به‌كارئه‌هێنێت، زۆرتان وشه‌ی ئافره‌ت و كچتان بۆ منیش به‌كارهێنا، پێم خۆشه‌ باش بزانن من وه‌كو ئێوه‌نیم".

ئاماژه‌شی‌ به‌وه‌داوه‌ كه‌ "ئافره‌ت بوون شانازیه‌ لای من، چونكه‌ ئێمه‌ له‌ ئافره‌ت بووینه‌ و دایك و خوشكمان ئافره‌ته‌ و ئافره‌ت زۆر پیرۆزه‌ لای من".

جه‌ختیشی‌ له‌وه‌ كردووه‌ته‌وه‌ كه‌ "پیاو چه‌نده‌ مافی هه‌یه‌ له‌ كۆمه‌ڵگا ئافره‌تیش وه‌كو پیاو مافی هه‌یه‌ و نابێت به‌ هیچ شێوه‌یه‌ك فه‌رق و جیاوازی له‌ نێوان پیاو و ئافره‌ت بمێنێت، هه‌ردووك مرۆڤن و مافیان هه‌یه‌".

واحید ده‌شڵێت: "به‌ڵام له‌ كۆمه‌ڵگای پیاو سالاری ئافره‌ت وه‌كو زه‌عیفه‌ و وه‌كو كاڵایه‌ك سه‌یر ده‌كرێت".



 

A post shared by Vahid Alinezhad (@musicvahid) on


AM:09:42:01/12/2017


ئه‌م بابه‌ته 14584 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت