پاڵاوگهیهك له سلێمانی كهوتهكارو كاریگهری لهسهر بازاڕ دروست نهكردووه
پاڵاوگەی دوکان لە کاتی دروستکردنیدا
وێستگه نیوز ـ ههستیار
سەرۆكی لیژنەی وزە و سەرچاوەسروشتیەكانی ئەنجومەنی پارێزگای سلێمانی رایدەگەیەنێت، پاڵاوگەی سورقاوشانی سنوری قەزای دوكان كەوتوەتە كار، بەڵام هیچ سودێكی بۆ هاوڵاتیان نیە و بهرههمهكهی له بازاڕی رهشدا دهفرۆشرێت.
د. غالب محەمەد، سەرۆكی لیژنەی وزە و سەرچاوەسروشتیەكانی ئەنجومەنی پارێزگای سلێمانی، به وێستگه نیوزی راگهیاند: "ئەوەی من دەستم كەوتووە لە ئێستادا ئەو پاڵاوگەیە كەوتۆتە كار و بەپێی گرێبەستێكی وەزارەتی سامانەسروشتیەكان رۆژانە پێنج هەزار بەرمیل نەوتی رەش لە حەسیرە و پێنج هەزاری دیكەش لە بلۆكی تەقتەق وەرەگرێت".
وتیشی: "بە پێی ئەو گرێبەستەی لەگەڵ حكومەتی عیراق گفتوگۆی لەسەر كراوە رۆژانە 20 هەزار بەرمیل نەوتەكە عیراق دەیداتە ئەو پاڵاوگهیە".
روونیشیكردهوه: "پاڵاوگەكە لە ئێستادا كەوتوهتە كار، بەڵام هیچ گۆرانكاریەكی لەسەر نرخی نەوتی سپی لەسەر هاوڵاتیان نەكردووە و لە بازاڕ بە نرخێكی گران دەفرۆشرێت".
ئهوهشی وت: "له سنووری پارێزگای سلێمانی دوو پاڵاوگه ههیه، بهڵام هیچ كاریگهرییهكیان لهسهر نرخی سووتهمهنی دروست نهكردووه".
پاڵاوگەی دوکان لەسەر رووبەری 135 دۆنم زەوی لە قەزای دوکانی سەربە پارێزگای
سلێمانی لەلایەن کۆمپانیای پرۆکۆپ و تەکنۆئیکسپۆرتی چیکی دروستکراوە و
دەبێتە یەکێک لە پڕۆژە ستراتیژییەکانی بواری پاڵاوتنی نەوت.
PM:08:07:26/11/2017
ئهم بابهته 39684
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت