بارزانی و فوئاد مهعسوم رێككهوتن وهفدێك رهوانهی بهغدا بكهن
وێستگه نیوز –
له كۆبوونهوهی نێوان سهرۆك كۆماری عیراق و بارزانیدا بڕیار درا له دوو رۆژی داهاتوودا وهفدێكی باڵا رهوانهی بهغدا بكهن بۆ وتووێژ لهگهڵ لایهنهكانی عیراق.
راگهیاندنی سهرۆكایهتی كۆماری عیراق رایگهیاند كه نیوهڕۆی ئهمڕۆ چوارشهممه 20-9-2017 سهرۆك كۆمار دكتۆر فوئاد مهعسوم له سلێمانی لهگهڵ مهسعود بارزانی كۆبوهوه.
سهرۆكایهتی كۆماری عیراق ئاماژهی بهوهدا كه "له كۆبوونهوهكهدا كه كۆسرهت رهسوڵ عهلی و ژمارهیهك له سهركردهی حزبه كوردستانیهكان ئامادهیبون، بیروڕا و بۆچوونهكان ئاڵوگۆڕ كرا لهبارهی دوایین پێشهاته سیاسییهكان به تایبهتیی مهسهلهی ریفراندۆم له ههرێمی كوردستاندا".
ئهوهش خراوهتهڕوو كه "سهرۆك كۆمار روناكی خسته سهر ناوهڕۆكی دهستپێشخهرییهكهی و ههوڵهكانی كۆمهڵی نێودهوڵهتیی بۆ چارهسهركردنی مهسهله ههڵپهسێراوهكانی نێوان حكومهتی فیدراڵیی و حكومهتی ههرێمی كوردستان".
هاوكات له كۆبوونهوهكهدا پێویستیی یهكخستنی ههوڵهكان و گرتنهبهری دیالۆگی بنیاتنهر دوپاتكرایهوه بۆ چارهسهر كردنی ئهو مهسهلانهی ناكۆكییان لهسهره.
سهرۆكایهتی كۆماری عیراق دهڵێت: "له كۆبوونهوهكهدا بڕیار درا له ماوهی دوو رۆژی داهاتوودا وهفدێكی باڵا رهوانهی بهغدا بكرێت".
PM:06:29:20/09/2017
ئهم بابهته 3852
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت