مه‌سرور بارزانی پیرۆبازیی له بڕیارهكهی په‌رله‌مان کرد
وێستگه نیوزـ
راوێژكاری ئه‌نجومه‌نی ئاسایشی هه‌رێمی كوردستان، پیرۆزبایی له بڕیارهكهی ئه‌مڕۆ هه‌ینی 15ی ئه‌یلولی 2017ی په‌رله‌مانی كوردستان كرد و ریگه‌یاند:"هیچ شتێك له ده‌نگی خه‌ڵكی كوردستان یاسایی تر نییه."
مه‌سرور بارزانی، راوێژكاری ئه‌نجومه‌نی ئاسایشی هه‌رێمی كوردستان له په‌یامه‌كه‌یدا راشیگه‌یاند: "پێشبینی ده‌كه‌ین كۆمه‌ڵگه‌ی نێوده‌وڵه‌تی رێز له بڕیاری گه‌لی كوردستان بگرێت."
راوێژكاری ئه‌نجومه‌نی ئاسایشی هه‌رێمی كوردستان دوپاتیشیكرده‌وه: "گه‌لی كوردستان لهرێگه‌ی دیموكراتی و ئاشتییانه بڕیار له مافی چاره‌نوسی خۆی ده‌دات."
ئه‌مڕۆ په‌رله‌مانی كوردستان، دانیشتنی نائاسایی خۆی ئه‌نجامدا و تێیدا ئه‌نجامدانی ریفراندۆمی سه‌ربه‌خۆیی كوردستانی له واده‌ی دیاریكراوی خۆی كه 25ی ئه‌یلوله په‌سه‌ند كرد.
له دانیشتنه‌كه‌ی ئه‌مڕۆی په‌رله‌مان نزیكه‌ی 68 په‌رله‌مانتار ئاماده‌بوون و به ده‌نگی 65 په‌رله‌مانتاری ئاماده‌بوو راسپارده‌كه په‌سه‌ند كرا.
PM:10:57:15/09/2017
ئه‌م بابه‌ته 4676
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت