‌دوو خوشكه‌كه‌ له‌به‌رده‌م په‌رله‌مان ئاهه‌نگ ده‌گێڕن

وێستگه‌ نیوز – دوو خوشكه‌ به‌ندبێژه‌كه‌ له‌ به‌رده‌م په‌رله‌مانی‌ كوردستان ئاهه‌نگێكیان بۆ پشتیوانی‌ ریفراندۆم سازكرد.

ئه‌مڕۆ پۆلێک لە پێشمەرگەکانی هەردوو شۆڕشی ئەیلول و گوڵان، سەردانی پەرلەمانی کوردستانییان کرد و لە لایەن سەرۆک و ئەندامانی فراکسیۆنی پارتی دیموكراتی‌ كوردستان و ژمارەیەک لە پەرلەمانتارانی فراکسیۆنی یه‌كگرتوو و فراكسیۆنه‌كانی‌ ترەوە پێشوازییان لێکرا.

دواتر له‌به‌رده‌م په‌رله‌مانی كوردستان هه‌ردوو خوشكی‌ به‌ندبێژ سارا و خه‌نده‌ ئاهه‌نگێكیان بۆ پشتیوانی‌ ریفراندۆم ساز كرد.

سارا و خه‌نده‌، له‌بنه‌ڕه‌تدا خه‌ڵكی شاری كۆیه‌ن، دانیشتووی شاری هه‌ولێرن، نزیكه‌ی ساڵێكه‌ گۆرانی و به‌ند ده‌ڵێن، له‌گه‌ڵ چه‌ند گۆرانیبێژێكی میللیشدا، دانیشتنی تایبه‌تیان سازكردووه‌.

له‌ ماوه‌ی‌  رابردوو له‌ رێگه‌ی‌ تۆڕه‌  كۆمه‌ڵایه‌تییه‌كانه‌وه‌  هێرشی‌  توند كرایه‌ سه‌ریان له‌سه‌ر  وتنی‌  گۆرانی‌ له‌سه‌ر ئه‌و شێوه‌ ستایله‌.


PM:06:39:13/09/2017






ئه‌م بابه‌ته 38592 جار خوێنراوه‌ته‌وه‌‌