به داتا.... پاش 14 ساڵ له ئازادكردنی، عیراق بەرەو دواوە چووە
رۆژی ئازادکردنی عیراق لە 2003دا
وێستگه نیوز –
پهرلهمانتارێكی گۆڕان له ئهنجومهنی نوێنهرانی عیراق رایدهگهیهنێت كه دوای 14 ساڵ له ئازادكردنی، هیچ پێشكهوتنێكی بهخۆیهوه نهبینیوه و بووه بهژێر قهرزێكی زۆرهوه و به سهرگهردانییهكی گهوره وهسفی دهكات.
مهسعود حهیدهر پهرلهمانتاری گۆڕان له ئهنجومهنی نوێنهرانی عیراق به پشتبهستن به ئامارهكانی رێكخراوی Human rights watches organization چهند زانیارییهكی دهربارهی بارودۆخی عیراق بهر له شهڕی موسڵ بڵاوكردهوه.
مهسعود حهیدهر رایگهیاند كه "سێ ملیۆن و چوارسهد ههزار ئاوارهی عیراق دابهشبووه بهسهر 64 ووڵات و چوار ملیۆن و سهد ههزار ئاواره له ناوخۆی عیراق و یهك ملیۆن و حهوت سهد ههزار كهسیش ژیانیان له خێوهتدایه".
ئاماژهشی بهوهداوه كه "پێنج ملیۆن و شهش سهد ههزار یهتیم ههیه كه ( تهمهنیان 15-17 ساڵ)ه و دوو ملیۆن بێوهژن ( تهمهنیان 15-52 ساڵه)".
ئهو پهرلهمانتاره دهڵێت: "شهش ملیۆن عیراقی توانای نووسین و خوێندنهوهی نییه (بهسره، بهغدا، نهجف، واسیت و ئهنبار له پێشهوهن)".
ئهوهشی خستووهتهڕوو كه "رێژهی بێكاری سهدا 31ه كه پارێزگاكانی ئهنبار، موسهنا، دیاله و بابل له پێشهوهن، ئهوجا بهغدا، كهربهلا و نهینهوا)و سهدا 35ی عیراقییهكان له ژێر هێڵی ههژارییهوهن كه داهاتی رۆژانهیان له 5 دۆلار كهمتره".
مهسعود حهیدهر روونیشیكردووهتهوه كه "رێژهی سهدا 6ی خهڵكی عیراق حهشیش و مهوادی موخهدیر بهكاردێنن (بهغدا له پێشه، پاشان شارهكانی بهسره، نهجهف، دیاله، بابل و واسیت)".
نووسیویشیهتی: "رێژهی سهدا 9 كرێكاری منداڵان له خوار تهمهنی 15 ساڵه و 39 نهخۆشی كوشنده وهكو (كۆلێرا، ئیفلیجی منداڵان، ڤایرۆسی جگهر، بهرزبوونهوهی رێژهی توشبووون به شێرپهنجه و تێكچوونه جهستهییهكان) بڵاوه و 13 ههزار و 328 كارگه و دامودهزگای بهرههمهێنهر له كاركهوتوون".
دهشڵێت: "لهو ماوهیهدا رووبهری كشتوكاڵی له 48 ملیۆن دۆنمهوه كهمبووهتهوه بۆ 12ملیۆن دۆنم و سهدا 75ی پێداویستی خۆراك و سهدا 91ی شتومهكی دی له دهرهوه هاورده دهكرێن".
راشیگهیاندووه كه "خوێندنی بنهڕهتی له خراپترین باردایه ( 14 ههزار و 658 قوتابخانه، نۆ ههزاری تێكچووه و 800 قوتابخانهی له قوڕ دروستكراوه. له ئێستادا پێویسته 11 ههزار قوتابخانه دروست بكرێت".
ئاشكراشیكردووه كه "عیراق 124 ملیار دۆلار قهرزاری 29 وڵاته لهكاتێكدا داهاتهكهی له نهوت له ( 2003 تا 2016) ههزار ملیار دۆلار بووه، بهڵام هیچ رۆڵی نهبووه له بونیادنان و چارهسهری خزمهتگوزاری سهرهتاییهكانی هاوڵاتیانی عیراق".
PM:02:09:06/09/2017
ئهم بابهته 6133
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت