ئیدریس ئوکابیر.. گومانلێکراوی هێرشەکەی بەرشەلۆنە کێ یە؟
ئیدریس ئوکابیر
وێستگه نیوز ـ
پۆلیسی ئیسپانیا ناسنامەی گۆمانلێکراوی هێرشەکەی بەرشەلۆنەی بڵاوکردەوە و ڕایگەیاندووە، ناوی ئیدریس ئوکابیرە و تەمەنی 28 ساڵە.
پۆلیسی ئیسپانیا ئاماژەی بەوەکردووە ئەنجامدەری هێرشەکە دەستگیرکراوە و بە ڕەگەز مەغریبیە، ئەمەش لە دوای ئەوەی دوێنێ لە دوای هێرشەکە وێنە و ناوی لە ڕۆژنامەکان بڵاوکرایەوە.
ئیدریس ئوکابیر لە شارۆچکەی ریبول کە 50 کیلۆمەتر دوورە لە شاری بەرشەلۆنەوە دادەنیشێت و مۆڵەتی مانەوەی یاسایی لە ئیسپانیا هەبووە.
ئوکابیر لە ناوچەیەک لە نزیک چیای ئەتڵەس لە مەغریب لە دایک بووە و دواتر وەک پەنابەر چووەتە ئیسپانیا و مافی مانەوەی وەرگرتووە و پێشتریش و لە ساڵی 2012 دا خراوەتە زیندان.
دوێنێ لە بەرشەلۆنە بەهۆی ئەوەی کەسێک بە ئۆتۆمبیلێکەوە خۆیکردووە بەناو خەڵکدا 13 کەس کوژراون و 30 کەسی دیکەش برینداربوون.
AM:10:25:18/08/2017
ئه‌م بابه‌ته 1964
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت