هۆشدارییەکی دیکەی لە تورکیاوە بۆ هێزەکانی سوریایی دیموکرات
دیمەنی ژمارەیەک بەرپرسی تورکیا
وێستگە نیوز_
وەزیری دەرەوەی تورکیا دەڵێت، دەبێت ڕوسیا و ئەمریکا پابەندی بەڵێنەکان بن و ھێزەکانی سوریایی دیموکرات "هەسەدە" لەسەر سنوری ڕۆژئاوای کوردستان دووربخەنەوە.
مەولود چاوشئۆغڵۆ، وەزیری دەرەوەی تورکیا لە کۆنگرەیەکی رۆژنامەوانیدا لە ئەنقەرە، ئاماژەی بەوەشکرد، "دوای دەستپێکی ئۆپراسیۆنی قەڵغانی فورات، ئەنقەرە لەگەڵ ڕوسیا و ئەمریکا گەیشتە ڕێککەوتن و ئەوان بەڵێنیان پێداین کە ھێزەکانی سوریایی دیموکرات بە قوڵای 30 کیلۆمەتر لە ناوچەکانی باکوری خۆرھەڵاتی فورات بکشێنەوە".
ئەو دەڵێت، "بەڵام ئەو بەڵێنە نەچووە سەر و ئەنقەرەش ناچارە خۆی چارەی دەردی خۆی بکات"، ئەوەشدەخاتەڕوو، "پێویستە ڕوسیا، هێزەکانی سوریایی دیموکرات "ھەسەدە"، لە تەلڕەفعەت و مەنبج دوور بخاتەوە".
یەکینەکانی پاراستنی گەل "یەپەگە" کە لە شەڕی داعشدا هاوپەیمانی ئەمەریکا بوو لەلایەن تورکیاوە بە ڕێکخراوێکی تیرۆرستی دادەنرێت.
PM:11:40:13/10/2021
ئهم بابهته 5016
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت