عێراق رەتیدەكاتەوە باجی دیكە بخرێتە سەر مووچەی فەرمانبەران و خانەنشینان
وێستگە نیوز-
سەرچاوەیەك لە حكومەتی عێراق رەتیكردۆتەوە، هیچ بڕیارێك بۆ زیادكردنی باجی دیكە لەسەر مووچەی فەرمانبەران و خانەنشینان درابێت.
ئەو سەرچاوەیەی حكومەتی عێراق بۆ ئاژانسی هەواڵی عێراقییە رایگەیاندووە، مستەفا كازمی سەرۆك وەزیرانی عێراق، لە چەندین بۆنە ئاماژەی بەوەداوە، كە زۆر گرنگە بایەخ بە داهاتی چینی هەژار بدرێت و لە هەر لێكەوتە و هەڵگەڕانەوەیەك بپارێزرێن.
پێشتریش وەزارەتی دارایی عێراق لە راگەیەندراوێكدا بڵاویكردەوە، كار دەكەن بۆ جێبەجێكردنی سەرجەم بڕیار و بڕگەكانی یاسای بودجەی 2021 كە لە لایەن ئەنجومەنی نوێنەرانەوە دەنگی لەسەردرا.
هەروەها هەیسەم جبووری سەرۆكی لیژنەی دارایی لە پەرلەمان رایگەیاند، بەكارهێنانی ماددەی 34 لەلایەن وەزارەتی دارایی ورد و هیچ مافێكی یاسایی نییە، چونكە باس لە هەڵوەشاندنەوەی بەخشینی گومرگی باج دەكات، كە پەیوەستە بە هاوردەكردنی كاڵا و شتومەك، كە لەلایەن ئەنجومەنی وەزیرانەوە بەخشراون، بە هیچ شێوەیەك پەیوەندی بە باجی سەر تاك و مووچەی فەرمانبەرانەوە نییە.
PM:01:04:17/04/2021
ئهم بابهته 960
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت